| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 46.19 | Dem. 46.22 (English) | >>Dem. 46.25 |
46.21ἀλλὰ μὴν ὅτι ἐγὼ μὲν ἀπεδήμουν τριηραρχῶν , ἐτετελευτήκει δὲ ὁ πατὴρ πάλαι , ὅτε οὗτος ἔγημε , τὰς δὲ θεραπαίνας αὐτὸν ἐξῄτουν καὶ ἠξίουν περὶ αὐτοῦ τούτου βασανίζεσθαι αὐτάς , εἰ ταῦτʼ ἀληθῆ ἐστι , καὶ ὡς προὐκαλούμην , λαβέ μοι τὴν μαρτυρίαν .τὸν τοίνυν νόμον ἐπὶ τούτοις ἀνάγνωθι , ὃς κελεύει ἐπιδικασίαν εἶναι τῶν ἐπικλήρων ἁπασῶν , καὶ ξένων καὶ ἀστῶν , καὶ περὶ μὲν τῶν πολιτῶν τὸν ἄρχοντα εἰσάγειν καὶ ἐπιμελεῖσθαι , περὶ δὲ τῶν μετοίκων τὸν πολέμαρχον , καὶ ἀνεπίδικον μὴ ἐξεῖναι ἔχειν μήτε κλῆρον μήτε ἐπίκληρον .οὐκοῦν αὐτόν , εἴπερ ἐβούλετο ὀρθῶς διαπράττεσθαι , λαχεῖν ἔδει τῆς ἐπικλήρου , εἴτε κατὰ δόσιν αὐτῷ προσῆκεν εἴτε κατὰ γένος , εἰ μὲν ὡς ὑπὲρ ἀστῆς , πρὸς τὸν ἄρχοντα , εἰ δὲ ὡς ὑπὲρ ξένης , πρὸς τὸν πολέμαρχον , καὶ τότε , εἴπερ τι λέγειν εἶχε δίκαιον , πείσαντα ὑμῶν τοὺς λαχόντας μετὰ τῶν νόμων καὶ τῆς ψήφου κύριον εἶναι , καὶ μὴ αὐτὸν αὑτῷ νόμους ἰδίους θέμενον διαπράξασθαι ἃ ἐβούλετο .
Μαρτυρία
μαρτυροῦσι παρεῖναι ὅτε προὐκαλεῖτο Ἀπολλόδωρος Φορμίωνα ,ὅτε ἠξίου παραδοῦναι Ἀπολλόδωρος Φορμίωνα τὰς θεραπαίνας εἰς βάσανον ,εἰ μή φησι Φορμίων καὶ πρότερον διεφθαρκέναι τὴν μητέρα τὴν ἐμήν ,πρὶν οὗ ἀποφαίνει Φορμίων γῆμαι ἐγγυησάμενος αὐτὴν παρὰ Πασίωνος .ταῦτα δὲ προκαλουμένου Ἀπολλοδώρου οὐκ ἠθέλησε Φορμίων παραδοῦναι τὰς θεραπαίνας .
46.22
Νόμος
κληροῦν δὲ τὸν ἄρχοντα κλήρων καὶ ἐπικλήρων ,ὅσοι εἰσὶ μῆνες ,πλὴν τοῦ σκιροφοριῶνος .ἀνεπίδικον δὲ κλῆρον μὴ ἔχειν .
46.23
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 46.19 | Dem. 46.22 (English) | >>Dem. 46.25 |
